حلو الهرم

حلو الهرم

المقادير 
بسكوت مربع
1 قلاص حليب بارد علشان نغمس البسكويت فيه
1 قيمر
1 كريمه كي دي دي
6جبن كيري 
2 كيس دريم ويب
رشة فانيلا 
4 م ك سكر 
قصدير 

فليك



للتغطيه 
قيمر وككاو نوتيلا ..او اي ككاو اتحبينه 

الطريقة 

تخلطين قيمر و الكريمه والجبن كيري و الدريم ويب ورشة فانيلا والسكر مع بعض في خلاط الكيك 


اتقصين القصدير لازم يكون اشويه طويل 

اتغمسين البسكوت بالحليب البااااااااارد بسرعه بس قلبه يمين قلبه يسار لا تنطرينه يذوب 







واتصفينه بالعرض نفس اللي بالصورة بالضبط 
3 في 8 ( بالعرض بالنسبه للقصدير ..بالصورة امبين جنه بالطول انا مصورة بالعكس 








تدهنين البسكوت بخلطة الكريمة مسحة خفيفه مو وايد 






ومره 2 اتحطين طبقه بسكوت وخلطة الكريمه 


2 طبقه من البسكوت اتحطينها بالطول( الطبقة 1 كانت بالعرض بالطول ) * هذي نقطه 
مهمه








واتحطين عليها باقي الكريمة . 
وفي البدايه اتحطين الكريمه كلها بالنصف وبعدين اتوزعين ع الاطراف 
يعني الكريمة اتصير مثل جبل بالوسط ( ان شاء الله اتكون الصور واضحه )


وبعدين انا رشيت اشويه فليك واهو بالاصل ما ينحط بس انا حبيت اضيف طعم ع الكريمه 

وبعدين ترفعين البسكوت من تحت القصدير بادج الثنتين وتطبقين الصوبين على بعض وتضغطين عليه لمن يصير ع شكل هرم 





واتحطينه بالفريزر اقل شي ساعتين 

وقبل التقديم اتحطين عليه خلطة الككاو نوتيلا والقيمر ( لازم يكون الككاو سايح ) وبالشوكه اتسوين حركه من تحت الى فوق عشان يطلع الككاو على شكل شخوط شخوط .
وتقدرين اتزينينه باللي تحبينه ...