عمل شاورما بالبيت بالصور

Unknown 6:03 ص

عمل شاورما بالبيت بالصور:)

11998911_1660276380898310_7532079087537035711_n copy


بتحتاجي لأفخاد دجاج اطيب من الصدر لانه فيها دهون
بس انا عملت خليط من الافخاد مع صدر بتقطعيهم ستيكات او بتشتريهم مقطعين
بتعملي التتبيلة وبتخلطيها بالخلاط عبارة عن :
بصلة و 4 سن ثوم وكوب لبن زبادي وملعقة كبيرة خل و 4 ملعقة كبيرة زيت زيتون وملح و3 ملعقة كبيرة بهارات الشاورما و2 ملعقة كبيرة بهارات المندي ( بأنصحكم فيه لانه بيعطي طعم مدخن راائع وفي حال مش موجود ممكن تستعملي صوص الباربكيو
بتتبلي قطع الدجاج فيه واتركيه ساعتين
الان بتستعملي اما اسياخ الشيش الخشب او اسياخ الشوي الالمنيوم وبتعلمي قاعدة انا عملت بصلة كبيرة وقطعتها من تحت حتى يكون لها قاعدة وغرست الاسياخ فيها ( ممكن تستعملي علبة صلصة قديمة وتحطي فيها الاسياخ )
بتثبتي القطع بالاسياخ وبتغلفيها بورق الالمنيوم
11217676_1660276427564972_160968612893172339_n

حطيها بالفرن ساعة على درجة حرارة 180 وبعد ساعة بترفعي الورق وبتحمريها
انا علّيت درجة الحرارة للتحمير وبتقطعيها زي بتوووع الشاورما
استعملت خبز الصاج وحطيت شاورما مع صوص طحينة وشرايح بصل كنت متبلاه بسماق ورشة خل وبهارات شاورما وملح
لفيت الخبز وعالتوستر وصار عندك اطيب شاورما سوري ( هيك بنحكيلها عنا
وعملت جنبها سلطة تركية وصوص الطحينة



السلطة التركية عبارة عن :
بصلة
2 سن توم
2 بندورة مقشرة
حبة فليفلة حمرا او خضرا
2 ملعقة كبيرة صلصة
نص باقة بقدونس
ملعقة كبيرة كمون
ملعقة كبيرة سكر
ملعقة صغيرة بابريكا
ملعقة صغيرة ملح
ملعقة صغيرة شطة
ملعقة كبيرة خل
4 ملعقة كبيرة زيت زيتون
بتقطعي البصل ناعم وبتهرسي التوم
بالخلاط بتخلطي البندورة والصلصة والفليفلة والبهارات
بتفرمي البقدونس وبتضيفي المكونات كلها على بعض
وبالتلاجة تكون باردة اطيب
صوص الطحينة بس اخلطي طحينة ورشة خل ومية ورشة ملح وممكن شوية مايونيز حسب الرغبة
وصحتين

شارك الموضوع

مواضيع ذات صلة