طريقة عمل كيكه فيكتوريا

طريقة عمل كيكه فيكتوريا


dsc_0010chataux

المقادير
225 جرام زبدة بدرجة حرارة الغرفة
225 جرام سكر بودرة
225 جرام دقيق منخول
ملعقة كبيرة بيكنج بودر
ملعقة صغيرة كربوناته
4 بيضات
فانليا
بشر برتقال او ليمون
فراولة
مربى الفراولة
كريم شانتيه مخفوق
قالبين كيك مقاس بعض مقاسهم حوالى 22 مدهونين ومرشوشين بالدقيق

الطريقة
نخفق الزبدة الطرية لمدة ثوانى لكى ننعمها ثم نضع السكر البودرة عليها ونخفق حتى يصبح الخليط كريمى وهش ثم نضيف البيض بيضة بيضة مع الفانليا وبشر البرتقال او بشر الليمون ونخفق جيدا ثم نضع الدقيق مع البيكنج بودر والكربوناته بالتدريج مع الخفق بالمضرب بس نوطى الدرجة بتاعة الخفق حتى تندمج المكونات وبيكون الخليط تقيل شوية ثم نصب الخليط على القالبين بالتساوى ونفرده بواسطة الاسباتيولا ثم ندخلهم الفرن على 180 حتى يستوا ثم نخرجهم من القوالب ونتركهم يبردوا ثم نجهز الحشو
نقطع الفراولة الى انصاف ثم نسيح ملعقتين مربى على النار ثم نضعهم على الفراولة فى طبق خارجى ونقلب
ونحضر احد الكيكتين ونشيل القشرة الخارجية اللى فوق بتاعتها اللى فى النص فقط ونضع مكانه خليط الفراولة بالمربى وفوقهم نضع الكريم شانتية المخفوقة ونضع عليهم الكيكة التانية ونضغط سنة صغننة علشان الكريمة تسيل عل الجناب ونرش رشة خفيفة سكر بودرة من فوق ونزينها بوحدت الفراولة فى النص وبالهنا

تعليقات

المشاركات الشائعة